फ्लिपकार्ट फ्रीडम सेल 2026 लवकरच सुरू होणार आहे आणि स्मार्टफोन खरेदी करू इच्छिणाऱ्यांसाठी ही एक उत्तम संधी असू शकते. कारण या सेलच्या आधी अनेक प्रीमियम आणि मिड-रेंज स्मार्टफोन्सवर लक्षणीय सवलती जाहीर करण्यात आल्या आहेत. काही फ्लॅगशिप फोन्सच्या किमतीत 20 हजार रुपयांपर्यंत कपात होण्याची शक्यता आहे. त्यामुळे, नवीन फोन घेण्याचा विचार करणाऱ्या ग्राहकांसाठी हा सेल एक फायदेशीर पर्याय ठरू शकतो. चला तर मग जाणून घेऊयात कोणत्या स्मार्टफोनवर बंपर डिस्काउंट दिली जात आहे.
सॅमसंग गॅलेक्सी एस25 वर सर्वात मोठी बचत
फ्लिपकार्टच्या टीझरनुसार सॅमसंग गॅलेक्सी एस25 या सेलमधील सर्वात मोठ्या डील्सपैकी एक असू शकतो. या स्मार्टफोनची लाँच किंमत 80 हजार 999 रूपये आहे, तर सेलदरम्यान त्याची प्रभावी किंमत 57 हजार 999 रूपये इतकी असण्याची शक्यता आहे. याचा अर्थ ग्राहक या फ्लॅगशिप डिव्हाइसवर सुमारे 23 हजार रूपयांची लक्षणीय बचत करू शकतात. कंपनीने आतापर्यंत जाहीर केलेल्या सर्वात आकर्षक डील्सपैकी ही एक मानली जात आहे.
आयफोन 17 प्रो मॅक्स, आयफोन 17 वर उत्तम ऑफर्स
फ्लिपकार्टनुसार आयफोन 17 प्रो मॅक्सवर 8 हजार रूपयांची थेट सूट मिळेल, ज्यामुळे त्याची किंमत 1 लाख 49 हजार 900 वरून 1 लाख 41 हजार 900 रूपये होईल. याव्यतिरिक्त पात्र एसबीआय बँक क्रेडिट कार्ड किंवा फ्लिपकार्ट ॲक्सिस बँक क्रेडिट कार्ड वापरून पेमेंट केल्यास अतिरिक्त 5 हजार रूपयांची त्वरित सूट मिळेल, ज्यामुळे प्रभावी किंमत 1 लाख 36 हजार 900 रूपये होईल. स्टँडर्ड आयफोन 17 ची किंमत देखील 80 हजारापेक्षा कमी असण्याची शक्यता आहे, मात्र अंतिम किंमत बँकेच्या ऑफर्सवर अवलंबून असेल.
नथिंग फोन 4a प्रो स्वस्तात होईल उपलब्ध
फ्रीडम सेल दरम्यान नथिंग फोन 4A प्रो सुद्धा सवलतीच्या दरात उपलब्ध होईल. सध्या या स्मार्टफोनची सूचीबद्ध किंमत 49 हजार 999 रूपये आहे, परंतु त्याची प्रभावी विक्री किंमत 43 हजार 999 रूपयेअसण्याची अपेक्षा आहे. याचा अर्थ सुमारे 6 हजार रूपयांची बचत होईल. तुलनेने कमी किमतीत प्रीमियम वैशिष्ट्यांसह स्मार्टफोन खरेदी करू इच्छिणाऱ्या ग्राहकांसाठी ही ऑफर एक चांगला पर्याय असू शकते.
गुगल पिक्सल 10 च्या किमतीत मोठी कपात
गुगल पिक्सल 10 हा देखील या सेलमधील सर्वात आकर्षक फ्लॅगशिप डील्सपैकी एक असू शकतो. हा स्मार्टफोन 79 हजार 999 च्या सुरुवातीच्या किमतीत लाँच करण्यात आला होता, परंतु फ्लिपकार्ट फ्रीडम सेल 2026 दरम्यान त्याची प्रभावी किंमत 62 हजार 999 रूपये होण्याची अपेक्षा आहे. याचा अर्थ ग्राहक सुमारे 17 हजार रूपयांची थेट बचत करू शकतात. इतकेच नाही तर अतिरिक्त पेमेंट ऑफर्स लागू झाल्यास, किंमत आणखी कमी होऊ शकते.
स्मार्टफोन खरेदीदारांसाठी चांगली संधी
चिपसेट आणि मेमरीच्या वाढत्या खर्चामुळे गेल्या वर्षभरात स्मार्टफोनच्या किमती सातत्याने वाढल्या आहेत. या संदर्भात फ्लिपकार्ट फ्रीडम सेल 2026 ग्राहकांना फ्लॅगशिप स्मार्टफोन कमी किमतीत खरेदी करण्याची एक उत्तम संधी देत आहे. कंपनीने प्रीमियम आणि मिड-रेंज या दोन्ही श्रेणींतील अनेक स्मार्टफोनवर भरीव सवलती जाहीर केल्या आहेत, ज्यामुळे नवीन फोनच्या शोधात असलेल्या ग्राहकांना उत्तम पर्याय मिळण्याची शक्यता आहे.
